Aandete idees

Herders pastei / cottage pie

Ouma se vingerlinge

Vingerlinge/Soutelinge

Bestanddele
 6 koppies koekmeel
15 ml bakpoeier
2 ml sout
250g margarien
2 xl eiers
310ml yswater
Aromat om oor te strooi

Metode
Sif droë bestanddele saam.
Rasper margarien in. Vryf goed deur, dit moet soos mieliemeel lyk.
Klits eiers en voeg by. Meng goed deur.
Voeg yswater by om 'n stywe deeg te maak.
Rol uit (nie te dun nie). Sny repies en bak in warm olie tot lig bruin. Skep uit in bak en strooi Aromat oor.

Geniet dit!

Pannekoek stres nie !

Kom  by  die  huis  na  werk, en  Wilna  vra  my  of  ek  wil  pannekoek  bak.

   Ja ! sê  ek, lank terug lekker pannekoek gehad.

Maar  die  resep  van  Ouma  werk  nie  met  my  nie, en  almal  sing  daai  liedjie  met  'n  halwe  resep;"Wie  gaan  saam  met  ons  pannekoek  bak, pannekoek  wat  so  lekker  smaak. Melk  en  eiers, een  koppie  meel. Meng  die  suiker  en  kaneel"

Internet  is  mos  maklik -

Hier  is  'n  maklike  resep  vir  alle  mense  wat  sukkel  met  pannekoek  bak.

Nie  eers  een  floppie  gehad  nie.

Die  resep  maak  ongeveer  30  Pannekoeke, Geniet  dit !!!

Bestandele :

750 ml     -        Koekmeel

5 ml         -        Sout

10 ml       -        Bakpoeier

1  liter      -        Water

2              -         Eiers

14 ml       -         Wit  Asyn

30 ml       -         Kook  Olie

Voorbereiding :

Gooi  al  die  bestandele  in  'n  mengbak  en  klits  tot  waterige  deeg  mengsel

Maak  pan  warm  en  gooi  2ml  kook  olie  in  pan, skep  ongeveer  50ml  deeg  en  gooi  eweredig  in  pan  in. Pannekoek  sal  na 'n  minuut  of  2  gaar  wees, keer  die  pannekoek  om  en  los  vir  'n paar  sekondes  tot  weerskante  gaar  is.

Meng  bietjie  suiker  en  kaneel  vir  die  soet  pannekoeke, dis  mos  eintlik  wat  'n  pannekoek  maak. . .

Danie. . .

6 Minute Koek - Lekkerste in die land

Dis al die halfde van die jaar daarmee heen en ek kan nog nie wys wat ek om en in die huis gedoen het nie. Sal maar iets moet begin doen.
Julie is altyd 'n lekker tyd vir koek bak, my Ma het so lekker Mikrogolf koek wat sy altyd so vinnig aanmekaar kon slaan. Een ding wat mens kan maak wanneer iemand 'n verjaarsdag vergeet het.

6 Minute Sjokolade Koek ( Mikrogolf  Koek )

Bestandele :
250 ml          -          Koekmeel
250 ml          -          Suiker
15   ml          -          Bakpoeier
2.5  ml          -          Sout
45   ml          -          Cocao

250 ml          -          Lou Water
15   ml          -          Olie
2                   -          Eiers
15   ml          -          Vanilla Essence

Voorbereiding :
Gooi alles bymekaar en klits tot loopering stroop.
Gebruik mikrogolf veilige plastiese bak gesmeer met botter of  "spray & cook"
Gooi mengsel in bak en plaas in mikrogolf.
Stel mikrogolf op 6 minute en kyk hoe mooi die sjokolade koek verskyn.

Wag vir koek heeltemal af te koel voor dit uit die bak gehaal word anders plak dit dalk nog vas.
Versier dit soos jy wil, dis seker die lekkerste gedeelte van koek bak.

Sal daarvan hou om te hoor of iemand die resep probeer het. . .

Danie. . .

Nuwe Jaar

Ons het die nuwe jaar ontmoet met sang en lof aan ons Koning Jesus. Toe die horlosie 12 uur slaan het ons gebid en die nuwe jaar 2015 in geseën dat alles wat mooi is ons sal volg.

Dankie Here vir nog 'n jaar wat ons U kan hulde bring.

Danie en Wilna

Lekker Kersfees !!!

Vanoggend was lekker op die strand , die see water warm en die son so op die horison.

Dankie Jesus vir die wonderlike dag wat U ons gee om U geboorte te herdenk.

Geseënde Kersfees aan almal !!!

Danie en Wilna